واحد صاحبي سلفي، بس محترم، اتجوز من شهرين وطبعا مراته منقبة.. النهاردة قابلته لقيته حاسس بالسعادة اكتر من أي يوم تاني.. حاولت اعرف السبب، قالي، أنا هقولك عشان انت بتتفهم تناقضات البشر وطول عمرك بتحاول تخليني أقل تشددا.. الصراحة انا اكتشفت النهاردة حاجة غريبة.
أسماء مراتي..
مالها..
طلعت بتعرف ترقص..!
ههههه طب ما دا شيء كويس
يا عم انا حاسس بالذنب.. وهي كمان
انت عارف ان ابوها ملتحي.. وامها تقريبا ملتحية برضو.. ومفيش في البيت عندهم تلفزيون. وكانت بتروح عند ولاد خالتها مخصوص عشان تسمع حكيم وتتفرج عليهم وهما بيرقصوا. وواحدة واحدة بدأت تقلدهم.
أسماء بتقولي كانت بتقفل على نفسها الأوضة وترقص وبعدها تحس بالذنب وتصلي ركعتين توبة.
امبارح هي اعترفتلي بالسر دا. والصراحة انا زمان قبل الالتزام كنت بحب اتفرج على الرقص. ومقدرتش اقاوم فشغلنا أغاني وهي رقصت.. وكانت ليلة حلوة أوي.
انا حاسس اني بفرط في ديني.. محمد هو في آراء بتقول ان الموسيقى مش حرام..؟
كتير.. أشهرهم الإمام ابن حزم. صاحب المذهب الظاهري. قال كل ما ورد في سماع الموسيقى إما غير صحيح أو غير صريح. والإمام الشوكاني قال كدة. والشيخ حسن العطار شيخ الجامع الازهر الشريف كان بيقول ان اللي ميستمتعش بوتر العود فاسد الطبع حمار. وكل المشايخ الحاليين دا رأيهم عدا حبايبك السلفيين طبعا.
وحديث السيدة عائشة في صحيح مسلم انه كان عندها جاريتان من الانصار تغنيان. ومعهما دف يوم العيد ودخل ابو بكر يزعق لهم. لكن الرسول قال، دعهما يا ابا بكر.. يعني الرسول كان راضي ان بيته يبأى فيه فرقة صغيرة تغني لمراته في العيد. والحلال في العيد حلال برا العيد. والدف اللي هو الطار ، ضابط الايقاع ، رمز لآلة موسيقية في بيئة بدائية بدوية. ودا المتاح أيامهم. ومفيش استثناء له عن غيره.
بل ان الرسول قال تبريرا لدا ، كي تعلم اليهود أن في ديننا سعة.. يعني الفرحة حلوة.. ويعني الرسول بيقول حاولوا تخلوا الديانات التانية تعرف انكم بتحبوا البهجة وغير متشددين.. تخيل البهجة باستخدام الغناء والموسيقى البدائية كانت من الأشياء التي أرادها الرسول رمزا للدين في مواجهة الغير.
كأنه يقول، نحاربهم بالغنا قبل السيف.
وربنا يسعدك ويبارك فيك انت واسماء.
أسماء مراتي..
مالها..
طلعت بتعرف ترقص..!
ههههه طب ما دا شيء كويس
يا عم انا حاسس بالذنب.. وهي كمان
انت عارف ان ابوها ملتحي.. وامها تقريبا ملتحية برضو.. ومفيش في البيت عندهم تلفزيون. وكانت بتروح عند ولاد خالتها مخصوص عشان تسمع حكيم وتتفرج عليهم وهما بيرقصوا. وواحدة واحدة بدأت تقلدهم.
أسماء بتقولي كانت بتقفل على نفسها الأوضة وترقص وبعدها تحس بالذنب وتصلي ركعتين توبة.
امبارح هي اعترفتلي بالسر دا. والصراحة انا زمان قبل الالتزام كنت بحب اتفرج على الرقص. ومقدرتش اقاوم فشغلنا أغاني وهي رقصت.. وكانت ليلة حلوة أوي.
انا حاسس اني بفرط في ديني.. محمد هو في آراء بتقول ان الموسيقى مش حرام..؟
كتير.. أشهرهم الإمام ابن حزم. صاحب المذهب الظاهري. قال كل ما ورد في سماع الموسيقى إما غير صحيح أو غير صريح. والإمام الشوكاني قال كدة. والشيخ حسن العطار شيخ الجامع الازهر الشريف كان بيقول ان اللي ميستمتعش بوتر العود فاسد الطبع حمار. وكل المشايخ الحاليين دا رأيهم عدا حبايبك السلفيين طبعا.
وحديث السيدة عائشة في صحيح مسلم انه كان عندها جاريتان من الانصار تغنيان. ومعهما دف يوم العيد ودخل ابو بكر يزعق لهم. لكن الرسول قال، دعهما يا ابا بكر.. يعني الرسول كان راضي ان بيته يبأى فيه فرقة صغيرة تغني لمراته في العيد. والحلال في العيد حلال برا العيد. والدف اللي هو الطار ، ضابط الايقاع ، رمز لآلة موسيقية في بيئة بدائية بدوية. ودا المتاح أيامهم. ومفيش استثناء له عن غيره.
بل ان الرسول قال تبريرا لدا ، كي تعلم اليهود أن في ديننا سعة.. يعني الفرحة حلوة.. ويعني الرسول بيقول حاولوا تخلوا الديانات التانية تعرف انكم بتحبوا البهجة وغير متشددين.. تخيل البهجة باستخدام الغناء والموسيقى البدائية كانت من الأشياء التي أرادها الرسول رمزا للدين في مواجهة الغير.
كأنه يقول، نحاربهم بالغنا قبل السيف.
وربنا يسعدك ويبارك فيك انت واسماء.
No comments:
Post a Comment